Logo ko ab dard bardasht karne ki shakti nahi rahi. Jara sa dard hota nahi ki wah jaldi se koi bhi antibiotic dawai (Medicines) kha lete hain. Jis tarah log chocolates khan ke shaukeen hote hain theek usi tarah kuch log dawayian bhi chocolates ki tarah phakte hain.
Doctor ki salah ke bina koi bhi dawayi lena khatre se khali nahi hai. Khud ke doctor aap khud mat banea. Kisi bhi pareshani me doctor se consult kare tab hi kisi dawayi ka sevan kare. Koi bhi dawai khane se aapko side effects ho sakti hai jisme aapki kidney ya liver damage ho sakte hain.
Aaea batate hain aisi hi kuch dawayion ki list jisse hain aapko khatra:
1. Metrogil : Stomach pain hone par usually log metrogil ko khate hain. Lekin kya aap jante hain ki bina doctor ki salah se metrogil ko lambe samay tak yun khana apko problem kar sakta hai. Blood pressure bhi aapka high ho sakta hai.
2. Saridon : Logo ko headache hota nahi ki saridon kha lete hain. Isko lagatar khane se aapko ulti (vomiting), fever, stomach pain, aankh aur skin ka yellow hona jaisi problems aapko ho sakti hain. Yeh medicine aapke body me maujud good bacteria ko bhi weak bana deti hai.
3. Diclobin Plus : Body pain hote hi green rang ki patti log chaba jate hain. Yeh green patti aur kuch nahi balki diclobin plus hai. Yeh kafi asardar to jarur hoti hain lekin baad me isse heart attack bhi aapko ho sakta hai. Isko khane se pate ke neechle hisse me dard, allergy, chakkar, skin rashes aur vomiting bhi ho sakti hain.
4. Combiflame : Fever, body me chott ya dard, swelling hone se log combiflame lena bahut pasand karte hain. Isko jada khane se aapka digestive system bhi kharab ho sakta hai. Yeh body ki platelets par bhi attack karta hain.
5. Disprin : Agar aapko headache ki shikayat rehti hain aur aap ek hafte me ek se jada disprin kha lete hain to yeh aapke heart ke liye sahi nahi hai. Yeh aapki sunne ki shakti ko bhi kam kar deta hai.
