Aksar log apni face ki raunak ko badhane ke liye na jane kya-kya karte hain lekin body ke kuch bhaag jaise ki hamari kohni aur ghutna najarandaaj ho jata hai. Bahut hi ganda lagta hai jab aapka chehra chamak raha ho aur kohni ke paas kala dhabba dikhayi de. Yeh aapki sundarta ko kam kar deta hai.
Kohni aur ghutna me jame kale dhabbe ko agar samay rehte nahi hataya gaya to yeh bahut ganda roop lete hain. dhabbo ki wajah se na to aap sleeveless koi kapda pehan paengi aur na hi ghutno tak koi frock ya skirt. Kohni (elbow) aur ghutne (knee) ke kale nishaan durr se highlight ho jate hain jo logo ke liye kabhi kabhi majaak bhi ban jata hai.
Aaea batate hain kaise aap apne kohni aur ghutne se kaala dhabba hata sakte hain –
1.Nimbu Ke Rass Se Durr Kare Dhabba:
Ghar me khane me istemal hone wali nimbu (lemon) badi faydemand hai aapke body ki skin ko clean karne me. Nimbu ke ragadne se na sirf aapke nakhun (nails) hi strong hote hain balki iske rass se kohni aur ghutne se kaalapan durr ho jata hai. Aapko bata de ki nimbu ke rass me citric acid hoti hai. Iska istemal ek natural bleach ke taur par kar sakte hain.
• Nimbu ke rass me chini ko mila le aur phir ise kohni aur ghutna me ragde. Ragadne ke baad kuch derr ke liye chodd de. Jab yeh sukh jaye to pani se aap dho le. Yehi nahi aap nimbu ko kaatkar ek piece uska kohni me ragde, isse bhi aapko fayda hoga.
• Nimbu aapke body ko thoda dry kar sakta hai, aise me iske istemal ke baad aap moisturizer se massage karna na bhule.
2. Malayi Aur Haldi Ka Paste Lagaye:
Doodh se malayi ko nikal le aur phir usme haldi milakar ek paste ready kar le. Ab iss paste ko aap kohni aur ghutne par achi tarah se lagana shuru kar de. Haldi me maujud bleaching ke gunn aapko dhabba mitane me madad karenge. Wahin malayi moisturizer ka kaam karta hai, jisse aapka skin rough nahi hoga. Malayi-haldi ka paste lagane ke baad thodi derr chodd de, aur phir gungune apni se dho le. Aisa karne se aapka kalapan kohni aur ghutne se gayab to hoga hi saath hi smooth bhi rakhega aapka skin.
Sundar kaise bane
