Bahut bura lagata hain na jab koi apako moonch vali ladaki kahkar pukarta hai…aksar aapane mahsus kiya hoga ki upper lip ke bal apaki khubsurati me dag laga dete hai. ladkiyan aapani is anchahi moonch ko chhupane ke liye na janen kya-kya karati hain, kabhi threading ka sahara leti hain to kabhi garm-garm wax se moonch ko hatati hain. vahin kuchh, bleach ki madad se apne upper lip ko saf karati hain.
Ladkiyon ki is taklif ko dhyan me rakhate huye ab to market me hair removal cream aur laser therapy ka avishkar ho gaya hai. cream aur therapy ka dimand jitana badh raha hai utani hi badhati ja rahi hai unaki price.
Khubsurat dikhane ke liye mahilayen kitani takalif jhelate hue apane upper lip remove karavati hain. aiye ham apako batate hain ki kaise mahilayen bina dard ke natural tarike se apne anchahe upper lip balon ko dur kar sakati hain :
1. Banayen haldi aur besan ka mask :
Ghar me besan aur haldi to maujud rahata hi hai, to kya ek chamch besan me bas ek chutaki haldi mila len. besan aur haldi ke mishran me dudh ki matra utana hi milayen jisase pest taiyar ho jaye. ab aap is pest ko apane upper lip ke balon par laga len. yaha pest ko thodi der ke liye chhod den. jab yah sukh jaye to ise saf kar len. is tips ko apanayenge to bal asani se saf ho jayenge.
Hamesha sundar dikhne ke beauty tips
2. Nimbu aur chini ka mishran :
Ek chamch chini me adha chamch nimbu ka ras milayen. is ras ko achchhi tarah se milakar ovan me kuchh der ke liye chhod den. ab jab chini pighal jaye to is mishran ko bahar nikal len aur upper lip ya jahan-jahan anchahe bal hain apake vahan laga len. bas kuchh dinon ke prayog ke bad hi apako antar saf najar ane lagega.
3. Dudh aur haldi ka mishran :
Haldi aur dudh ka mishran na sirf apake chehare ka raunak badhata hai balki apake chehare se balon ko bhi dur bhagata hai. aap haldi me thodi si matra me dudh ko mila len aur gadha pest taiyar kar len. is pest ko apane upper lip ya anya prabhavit jagah par lagakar kuchh der ke liye chhod den aur jab ye sukh jaye to ise saf kar len.
Upar diye gaye teen (3) gharelu upachar apake liye behad faydemand hain. sabase pahle to apako inase koi dard ya pida nahin hoga aur dusara yah ki inase kisi bhi prakar ke infection ka bhi apako darane ki jarurat nahin.
