Aaj ki zindagi me har koi khud ko aakarshan ka kendra banana chahta hai. Bahut acha lagta hai na jab koi aapki tarif karta hai aur puchta hai kaise itne smart aur intelligent hai aap? Har koi dusro se behtar banna chahta hai. Ye baat to sahi hai ki agar aap smart hain to aapke andar confidence bhi hoti hai.
Life me aage badhna hai to aapko jaruri hai ki aap sirf sirf batein hi smart na kare balki aapki personality bhi dusro ke saamne bilkul unique honi chahiye. Smartness tabhi aaegi agar aap slim-trim honge. Motape se durr rahe. Rojana exercise kare aur hamesha khush rahe tab hi aap hajar logo ke beech bilkul alag se najar aaenge.
Aaea batate hain aapko kuch tips jisse aap khud ko nikhar sakte hain dono taraf se beauty bhi aur brain bhi :
1. Roj 10 Minute Ka Shower Jarur Le :
Kuch logo ke liye nahana ek big task hota hai isliyea wo nahane se bachte hain. Aise me body ki gandagi saaf nahi ho pati aur ye unki personality ko bhi kharab karta hain. Sirf nahana jaruri nahi hota balki sahi dhang se nahana jaruri hai. Rojana kam se kam 10 minute tak shower ke niche khade rahe. Magar dhyan rakhe ki paani thanda nahi gunguna hona chahiye. Aksar log garm paani se naha lete hain jo ki galat hai kyonki isse aapka akin rough aur dry ho jata hai.
2. Scrub Kare :
Roj nahi balki hafte me ek baar jarur scrub kare. Scrub nahane ke dauran bhi kiya ja sakta hai. Bheege kapde se bhi yeh kiya ja sakta hai chehre par hoshiyari se scrub kare.
3. Pani Jada Piye :
Khoobsurat dikhne ke liye jaruri hai jada paani peete rahe. Body mein agar water ka level bharpur hoga tab aapka chehra apne aap glow karne lagega. Yehi nahi paani peene se insaan active aur intelligent bhi rehta hai.
4. Proper Neend le :
Iss busy schedule life me sabse jada logo ke paas sone ka hi time nahi rehta. Raat ko ghanto ghanto baithkar kaam karne ki aadat neend gayab kar deti hai jisse aapki sundarta gumm ho jati hai aur aapko bhulne ki bhi bimari ho jati hai. Acha yehi hoga aapke liye ki aap apni neend ke time main katoti na kare. Raat ka time aisa time hota hai jab hamari skin apne aap renew hoti hai. Har din 7 se 8 ghante ki neend jarur le.
