Kya ap janate hain ki age chahe kyon na badhe lekin aap apne tavcha ko badhane se rok sakate hain. ji han, ladka ho ya ladki har koi apani tvacha ko hamesha evergreen banane ki koshish me juta rahta hai.
Yah bahut ajib lagta hai na ki bhala lambe samay tak koi kaise khud ko smart aur akarshak banaye rakhane me safal ho sakata hai… aiye ham batate hain ki agar ap apani yak kuch adaten sudhar le to ap apani age se kam aur young dikhai de sakte hain:
Mitha bana sakta hai skin fika :
Kya aap bhi jyada mitha khane ka shauk rakhte hain, to sambhal jaiye… jyada sugar jaise Cukis, donuts, sweets, cold drink apke skin ke liye bahut kharab hai. yah sab cheeje skin ko nuksan pahunchati hai.
Dhup ko kare avoid :
Suraj ki roshani apake skin ke rang ko fika kar deti hai. dhup se skin ded ho jate hain, Tanning aa jati hai aur kai skin related bimariyan bhi ho sakti hain. koshish yahi karen ki jitna kam ho sake utna dhup me nikle. apko bata den ki suraj ki hanikarak kirnen apki skin ko jaldi hi budha karti hai. aise me best hai ki aap sunscreen cream ka istemal karen jab bhi bahar niklen to.
Achchhi aur puri nind len :
In dinon yuva der raat tak jage rahte hain, jo ki galat adat hai. aisa na karen, 7-8 ghanton ki puri nind jarur len. isase jhurriyan, dark circle, rekhayen skin me nahi ane payengi. dhyan den, nind me tvacha jyada khilati hai aur apako khubsurat banati hai.
Tanav na len :
Aksar log kisi bat ko lekar tanav me a jate hain, yah sahi nahi hai. tanav chehare ko jaldi budha bana deta hai. agar ap office jate hain to tanav ek aam bat hoti hai lekin itana tanav bhi na len ki usaka asar apake chehare par dikhe. Traffic jam, der tak office, khub sara kam apako tanav me dal dene vale kuchh udaharan hai.
Cigarette ko kahe ‘no’ :
Cigarette ya sigar pine ki adat bhi apke skin ki chamak ko kho deti hai, isaliye achchha yahi hoga ki cigarette ko bhul hi jaen. bata den ki cigarette khun ke bahav ko kam kar deti hai jisse skin dhili padne lagti hai aur jaldi hi budhapa bhi jhalakane lagata hai.
Junk food khane se bachen :
Chahate hain sada evergreen dikhna to junk food jaise ki pizza, burger, chaumin adi ko khane se bachen. Junk food ko khane ke bajay aap jyada se jyada fruit aur vegetable khaen. chahe seb ho ya gajar, sab apaki khubsurati ko badhane me madad karte hain.
