Makeup ki baat ho aur ladkiyon ka jikra na ho yeh kaise ho sakta hai? Ladkiya apni sundarta banaye rakhne ke liye na jane kya kya karti hai aur agar galti se bhi koi unki khoobsurti me daag lagane ki koshish kare to unka gussa aana to banta hi hai.
Aap baki cheezo ko najarandaaj kar sakte hai lekin khud ke hi face par deekh rahe teel ka aap kya kar sakte hai. Kuch to teel ko apna beauty mark mante hai aur kuch inhe bilkul bhi pasand nahi karte hai.
Aise me aap apne teel ko kuch makeup tricks ki madad se inhe chupa sakte hai, aaea batate hai kaun se hai wo makeup tricks:
- Kabhi bhi makeup karne se pehle apne chehre ko ache se paani se dho liya kare. Dhone ke baad cotton me thoda toner lekar chehre aur garden par laga le. Iss toning se aapka makeup bahut derr tak rahega jisse aapki teel nahi dikhayi degi.
- Apne teelo ko chupane ke liye sabse pehle aap oil free foundation le aur apni natural skin ke colour se halke colour ko choose kare. Aapko bata de ki isse teel ko aasani se chipaya ja sakta hai. Dhyan rakhe ki aapka foundation achi tarah se laga ho taki teel aapke najar nahi aaye.
- Bahut acha parinaam chahiye to aap concealer aur foundation achi tarah se mila le. Agar aap concealer ki do parte laga rahe hai to dusri parte lagane se pehle powder ka istemaal karna na bhule.
- Ab bajaar me concealer do do rango me milne lage hai. Hare, lavender aur yellow concealer bhi market me dekhe ja sakte hai jinki madad se bhi aap apne anchahe teel ko aasani se chupa sakte hai.
- Yehi nahi cream concealer ki ek boond ke saath bhi aap apne chehre par jadu kar sakte hai, ji haan kyonki yeh teel ko bahut achi tarah se dhakk deta hai chahe aapka teel kitna bhi kaala kyo na ho.
So dosto, apne teel se ab gussa nahi balki dosti kar lijiyea. Teel nahi chahiye agar to upar diye hue makeup tips ko follow karea aur unhe chupa dijiyea.
