Gale ke pravesh dvar ke donon taraf mans ki ek-ek ganth hoti hai, jo lasika granthi ke saman hoti hai, ise tonsil kahte hai. yah hamare jibh ke pichhe ki bhag se satta hua hota hai. yah ek tarah ka filtar hota hai jo bahar se ane vale kitanuon ko rokane ka kam karta hai. isake alava Infection se ladne ke lie antibody ka jal bichhata hai.
Vaise samany avastha me tonsil se kisi pareshani nahi hoti lekin kisi vajah se Infection ho jae ya isame suan aa jae to yah apako chhathi ka doodh yad dila dega. khair, aie janate hain tonsil me bimari hone ke karan, lakshan aur upchar ke bare me …
Tonsil me sankraman ke karan aur lakshan
- Maida, chaval, aloo, chini, adhik thanda, bahut khatte padartho adi ka avashyakata se adhik prayog karana. ye sari chijen sharir me Acidity ka star badha deti hai.
- Khoon ki adhikata aur ashuddh doodh pina.
- Mausam garm se achanak thanda ho jana, garmi, bukhar aur dushit vatavaran me rahana.
- Jyada sardi-jukam ka hona.
- Ice-cream aur thandi chijen jyada khana adi karanon se tonsil badh jate hai.
Is rog ke karan gale me sujan aa jati hai. gale me dard, badbudar shvas, jibh par mail, sir me dard, gardan ke donon taraf lasika granthiyon ka badh jana, unako dabane se dard, sans lene me kasht, sharir me dard, svar bhang, bechaini, susti adi ke lakshan dikhai dene lagate hain. rog ke lagate hi thand lagakar bukhar ho jata hai, gale par dard se hath nahi rakha jata, thuk nigalane, khana-khane pine me dard-chubhan malum padati hai jo kanon tak me mahsus hoti hai.
Tonsils ka desi ilaj
- Ek spoon ajvain ko ek gilas pani me dalkar boil kare. fir pani ko halka thanda karke usase kulla tatha garare kare.
- Tonsil badh jane par ananas ka juice garm karake piyen.
- Tulasi ki ek chutki manjri piskar shahad ke sath chatne se tonsil me gala khul jata hai.
- Shahtoot ka sharbat ek chammach ki matra me garm pani me dalkar garare kare.
- Garm pani me glycerin milakar garare karan se kafi labh hota hai.
- Ek gilas pani me pan ka patta, do laung, mulethi adha chammach, peppermint char dane in sabka kadha bana kar piye.
- Dalchini piskar shahad me mila len, fir ise ungali se tonsil par lagaye.
- Tulasi ke char-panch patte pani me dalkar kulla karane se kafi labh hota hai.
- Garm pani me chutaki bhar fitkari aur itana hi namak gholkar garare kare. sujan dur ho jaega.
- Infection badhane par lahsun ki ek ganth piskara pani me garm karen. fir us pani ko chhankar garare kare.
- Nimbu aur shahad me namak milakar sevan karane se tonsil me sujan samapt ho jata hai.
Tonsils mein Kya na karen –
Tonsil me Infection hone par dahi, malai aur doodh se duri banakar rakhana hoga. isame aap masaledar aur tale hue bhojan bhi na kare. sath hi thandi chijon ko bhi kar den bay-bay.
