Aam ka mousm dastak de chukka hai. Yah ek eisa fruit hai jo har varg ke logo ko aakarshit karta hai. Jis tarah pake hue aam ko log pasand karte hain usi tarah kachche aam ke bhi log divane hain. Isase na keval svadisht achar banate hain balki isase chatni bhi banai jati hai.
Aaiye jante hain ki rog me kachche aam se our kya laabh hai.
- Yadi aap rakt sambandhit samasya se jhujh rahe hain to aap kachche aam ka prayog kar sakate hain. Kachcha aam na keval apake bhojan ke svad ko badhata hai balki apake khun ko bhi saaf karta hai.
- Garmiyo me gas hona yar fir acidity ki samasya hona ek samanya si baat hai. Apach ki samasya se sambandhit log isase pareshan rahte hain isaliye aap kachcha aam khaiye. Yah kabj our pet sambandhit vikaro ke liye labhdayak hai.
- Garmiyo me ek anyi samasya jo adhiktar logo ko hoti hai vah hain ulti ana. Isaliye jab bhi apako ulti aaye ya ji machale to aap kachche aam ka sevan kijiye jaldi aram milega. Aap kuchh hi der me behatar mahsoos karenge.
- Bahut hi kam logo ko pata hai ki svad me khatta kachcha aam apake balo ke liye ek gunakari fal hai. Isaka niymit sevan karke aap na keval apane balo ko kale banaye rakh sakate hai balki isase apani tavcha me bhi glow la sakte hai.
- Jo log diabetes ki samasya se grasit hai unhe bhi ,kachcha aam khana chahiye. Isase diabetes ke leval ko kam kiya ja sakta hai. isaka prayog kar aap sharir me iron ki purti bhi asani se kar sakate hain.
- Kachcha aam vitamin c ka achcha srot hai. Isase na keval apaki khoobsurati me ijafa hota hai balki yah ankho ke liye bhi faydemand hai.
- Aap kachche aam ke alava isase bana pana bhi kha sakte hain. Yah bhi apake liye labhdayak hai.
