Garmi ek aisa mausam hai jab log chah kar bhi jada khana pasand nahi karte hai. Aise mausam me pate kharab hone ki sambhavna bhi sabse jada hoti hai. Pate kharab hone se aapke body ka sara paani dheere dheere khatam hone lagta hai. Yehi nahi isse body ka electrolyte balance kharab ho jata hai jisse aapki tabiyat kharab ho sakti hai.
Aaea hum batate hai kuch gharelu nuskhe jisko apnane se aapke body me kabhi paani ki kami mehsus nahi hogi:
•Namak Chini Ka Ghol Piye: Aapko yaad hoga jab kabhi pate me gadbadi hoti hamare ghar ki dadi maa ya nani maa kitchen me jakar ek glass me chini aur namak ka pani ghol kar le aati to peene ko bolti. Yeh tips vakayi kafi faydemand hai aapke liye. Yeh na sirf aapke body me pani ki kami nahi hone deta balki aapko weakness bhi kabhi nahi hogi. Yeh drink ek tarah ka glucose hi hai jisse aap hamesha energetic hi mehsus karenge.
• Chaach Piye :
Garmi me ek aur drink jo logo ko bahut pasand aati hai wo hai chaach. Pate kharab hone par bhi isko pee lene se aapko bahut jald aaram milega. Chaach na sirf pate me thnadak pahuchata hai balki acid ko bhi banne se rokta hai.
• Nariyal Paani Piye :
Coconut water bhi aapke liye bahut upyogi hai agar aapko pate kharab ki shikayat hai to. Yeh garmi se aapko bachata to hai hi saath hi diarrohea ke samay bhi yeh aapke sharir me paani ki kami nahi hone deta hai.
• Lemon Water Piye :
Nimbu se bhi aap apne pate kharab ki samasya ko durr kar sakte hai. Ek glass paani me nimbu ka rass nichod le phir usme thoda kala namak dale, thodi chini, jeera aur adrak dale. Isko peene se aapko bahut aaram milega.
